Ўзбекистонда сўнгги бир ҳафта давомида 259 та ёнғин қайд этилди. Ўзбекистон ИИВ матбуот хизмати хабарига кўра, турли сабабларга кўра содир бўлган ёнғинларда икки нафар фуқаро тан жароҳати олган.
Ушбу ёнғинларда ўт ўчирувчиларнинг саъй-ҳаракатлари билан 1,318 миллиард сўмдан ортиқ қурилиш конструкциялари ва 1,061 миллиард сўмга яқин моддий бойликлар сақлаб қолинган.
Хусусан, Бухоро вилояти Бухоро туманида яшовчи фуқаронинг уйида электр симларнинг қисқа туташуви натижасида ёнғин содир бўлиб, уйнинг 48 квадрат метр майдонида том қисми ҳамда қўшни уйнинг 55 квадрат метр майдонда том қисми ёниб зарарланган.
Наманган вилояти Наманган шаҳрида яшовчи фуқаронинг уйида ёш болаларнинг шўхлиги оқибатида ёнғин содир бўлиб, уйнинг 40 квадрат метр майдонида том ва шифт қисми ҳамда қўшни уйнинг 55 квадрат метр майдонида том қисми ёниб зарарланган.
Самарқанд вилояти Самарқанд туманида яшовчи фуқаронинг уйида иситиш печининг қизиб кетиши натижасида ёнғин содир бўлиб, уйнинг 70 квадрат метр майдонида том, шифт қисми ва уй-жиҳозлари ёниб зарарланган.
Изоҳ (0)