Лондондаги машҳур Big Ben соатли минораси жиддий таъмирга муҳтож бўлганлиги сабабли, ундаги соат тўрт ой муддатга тўхтатиб турилиши мумкин. Соат механизмининг айрим таркибий қисмларини тиклаш қиймати камида 29,2 миллион фунт стерлинг (тахминан 43,8 миллион доллар)ни ташкил этиши мумкин. Бу ҳақда, The Guardian нашри берган маълумотларга асосланиб, «Ведомости» хабар беради.
Британия парламентининг қуйи палатаси молия қўмитасига тақдим этилган ҳисоботга асосан, «айни пайтда соатда соат ўқлари ва капгирида давомли муаммолар кузатилмоқда. Бундан ташқари, металлнинг занглаши билан боғлиқ муаммонинг ечимини топиш, томдаги дарз кетиш ва бошқа бир қатор нуқсонларни ҳал этиш лозим». «Бу муаммолар кейинги икки—уч йил ичида ҳал этилмаса, соат механизми бутунлай ишдан чиқиб, парламент биносининг халқаро обрўсига путур етади дейишга барча асослар мавжуд», – дейилади ҳужжатда.
Лондонликларга Big Ben номи билан бир қаторда Биг-Том ва Авлиё Стефан Минораси номлари билан маълум бўлган соатли миноранинг баландлиги 96,3 метрни ташкил этади.
Изоҳ (0)