Германиянинг Берлин шаҳрида рапид бўйича ўтказилаётган жаҳон чемпионатида шахмат бўйича жаҳоннинг 17-чемпиони Рустам Қосимжонов иккинчи куни бўлиб ўтган бешта партиянинг барчасида дуранг натижани қайд этди. Бу ҳақда Ўзбекистон Миллий олимпия қўмитаси матбуот хизмати хабар бермоқда.
Жумладан, Нгог Нгуен (Вьетнам, 2743), Левон Аранян (Арманистон, 2830), Александр Резанцев (Россия, 2716), Пётр Свидлер (Россия, 2735) ва Эрнесто Инаркиев (Россия, 2733) каби гроссмейстерлар билан кечган учрашувларда Рустам Қосимжонов дурангга имзо чекди.
Биринчи кунги баҳсларда Рустам Қосимжонов уч партияда ғалаба қозониб, икки учрашувда дуранг натижа қайд этган эди.
Шу тариқа, икки кунлик мусобақалар якунига кўра, Рустам Қосимжонов ҳисобида 6,5 очко мавжуд ва у мусобақа пешқадами Магнус Карлсен (Норвегия, 2847)дан 1,5 очко ортда бормоқда.
Изоҳ (0)