Чеченистон раҳбари Рамзан Қодиров ўзбекистонлик боксчи Руслан Чагаевга ҳурмати чексиз эканлигини маълум қилди. «Қадрли укам, бокс бўйича жаҳон чемпиони Руслан Чагаевга ҳурматим катта. У инсофли, меҳнатсевар одам», — деб ёзди Қодиров Facebook’даги саҳифасида.
У Руслан билан рингда тўрт раунд жанг қилгани ҳақида ёзар экан, боксчининг маҳорати Окендо билан жангдан сўнг сезиларли даражада ошганини таъкидлади.
«Зарбаси оғирроқ ва кескинроқ бўлибди, ҳимоя техникаси устида анча яхши ишлабди, реакцияси ажойиб», — дея қайд этди Чеченистон раҳбари.
Эслатиб ўтамиз, аввалроқ Руслан Чагаев ва пуэрто-риколик Фрес Окендо ўртасидаги реванш жанги бекор қилингани хабар берилган эди. Бунга пуэрто-риколик боксчининг елкасидан олган жароҳати сабаб бўлган.
Изоҳ (0)