Германиянинг Callaway Competition компанияси Corvette C7 GT3-R пойга автомобилининг махсус версиясини намойиш этди. Hiconsumption хабарига кўра, автомобиль Германиядаги Хоккенхаймринг пойга майдонида синовдан ўтказилди.
Манба автомобилнинг техник хусусиятлари ҳақида маълумот бермаган, аммо машина капоти остида ҳажми 6,2 литр, қуввати 600 от кучига тенг двигатель мавжудлиги маълум. Динамик хусусиятлари ҳам ҳозирча сир тутилмоқда, лекин Callaway Competition вакиллари автомобиль улар кутганидан ҳам афзал бўлганини тасдиқлаган. Автомобиль ўзининг биринчи пойгасини кейинги йили ўтказиши кутилмоқда.
Автомобилнинг ташқи кўринишини тайёрлашда канадалик дизайнер Пол Дойчман қатнашган. Купе-моделга карбон спойлер, диффузор, антиқанот ва ғилдирак аркаларини кенгайтиргич ўрнатилган.
Маълумот учун, Callaway Competition компанияси GT3 таснифига кирувчи замонавий пойга машиналарини ишлаб чиқаришга ихтисослашган.
Изоҳ (0)