Буюк Британия ўлим учун энг яхши шароитлар яратилган мамлакатлар рейтингида биринчи ўринни эгаллади, дея хабар бермоқда Huffington Post. Бунда гап қарияларни боқиш даражаси ҳақида бормоқда.
Британиянинг Economist Intelligence Unit компанияси томонидан тузилган рўйхатга жами 80 та давлат кирди. Рейтингда тиббий ёрдамдан фойдаланиш имконияти ва унинг сифати, паллиатив кўмак (касалга вақтинча енгиллик берувчи дори ёки восита) қай даражада эканлиги каби бешта омил ҳисобга олинди.
Юқори бешликка Австралия, Янги Зеландия, Ирландия ва Бельгия ҳам кирди. Рейтингда энг сўнгги поғонани Ироқ эгаллади.