Наманган вилояти Чуст туманида яшовчи 24 ёшли Ш.Б. ариза билан мурожаат қилиб, банк картасидаги 3 млн сўм пули номаълум шахс томонидан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида мазкур жиноятни Қашқадарё вилояти Қарши туманида яшовчи 24 ёшли Х.Г. содир этганлиги аниқланган.
Гумонланувчи сифатида тергов органларига жалб этилган Х.Г. жабрланувчи Ш.Б. билан Telegram мессенжери орқали танишиб, онлайн қиморни яхши тушуниши ва анчадан буён шуғулланишини айтган. Пулларини оз фурсатда кўпайтириб беришини ваъда қилиб, алдов йўли билан 3 млн сўм ўтказиб олишга эришиб, мазкур пулларни эҳтиёжларига сарфлаб юборган.
Мазкур ҳолат юзасидан Х.Г.га нисбатан ЖКнинг 168-моддаси (фирибгарлик) 1-қисми билан жиноят иши қўзғатилди.
Изоҳ (0)