Суперлига. “Насаф” 7 та гол урилган ўйинда “ОКМК” устидан зафар қучди (видео)

Футбол бўйича Ўзбекистон Суперлигасининг 6-турида “Насаф” 7 май, сешанба куни “ОКМК”га қарши баҳс олиб борди.

Учрашувнинг 22-дақиқасида Сардор Раҳмонов ҳисобни очди.

Орадан 5 дақиқа ўтиб, Акмал Мозговой ҳисобни тенглаштирди.

Бўлим сўнгида Зоран Марушич қаршиликларни олдинга олиб чиқди.

Иккинчи бўлимда Марушич дублни расмийлаштирди. 67-дақиқада Жамбули Жигаури “Насаф”нинг 4-голига муаллифлик қилди.

78-дақиқада Али Абдураҳмонов ҳисобни қисқартирди.

90+3-дақиқада Авазбек Ўлмасалиев ҳам ўз номини таблога ёздириб қўйди.

Шу тариқа “Насаф” 4:3 ҳисобидаги ғалабани расмийлаштирди. 7 май кунги баҳслардан сўнг турнир жадвали қуйидагича кўриниш олди.

Суперлига

6-тур

7 май, сешанба

“ОКМК” – “Насаф” 3:4

Голлар: Сардор Раҳмонов, 22 (1:0), Акмал Мозговой, 27 (1:1), Зоран Марушич, 45+3 (1:2), Зоран Марушич, 60 (1:3), Жамбули Жигаури, 67 (1:4), Али Абдураҳмонов, 78 (2:4), Авазбек Ўлмасалиев, 90+3 (3:4).

“ОКМК”: 35. Жавоҳир Илёсов, 2. Акромжон Комилов, 3. Сардор Раҳмонов, 4. Миржамол Қосимов (77. Нодирбек Абдураззоқов, 65), 6. Авазбек Ўлмасалиев, 8. Бахтиёржон Қосимов (14. Азизбек Баҳромов, 76), 10. Хуршид Ғиёсов, 15. Ойбек Рустамов, 28. Арихиро Сентоку (88. Мурат Эрматов, 90), 95. Милан Шкрбич (18. Азиз Холмуродов, 46), 99. Иракли Рухадзе (27. Али Абдураҳмонов, 65).

“Насаф”: 35. Абдувоҳид Неъматов, 2. Алибек Давронов (8. Зафармурод Абдираҳматов, 73), 5. Ғолиб Ғайбуллаев, 7. Акмал Мозговой, 14. Шароф Муҳитдинов, 27. Ислом Кенжабоев (30. Темур Чогадзе, 88), 28. Шуҳрат Муҳаммадиев, 32. Зоран Марушич (20. Виктор да Сильва, 88), 34. Шерзод Насруллаев, 70. Жамбули Жигаури (88. Марко Станоевич 73), 77. Ойбек Бозоров.

Огоҳлантириш: Ойбек Рустамов (84).