Машҳур ёзувчи Стивен Кинг Россия етакчиси Владимир Путин ва Украина президенти Владимир Зеленский “ўзаро келишмовчиликларни ҳал қилишлари” кераклигини айтди.
Қўрқинчли ҳикоялар қироли Х ижтимоий тармоғидаги постида мамлакатлар раҳбарлари “одамларни ўлдиришни тўхтатишлари” кераклигини таъкидлади. Бунинг ўрнига у Путин ва Зеленскийга бир-бири билан муштлашишни таклиф қилмоқда. Шу билан бирга, Кинг Украина президенти қўл жангида ғалаба қозонишига ишонишини ва бу манзарани кўришни хоҳлашини айтиб ўтди. Бундан ташқари, ёзувчининг айтишича, бу жангни томоша қилишни пуллик қилиб қўйса ҳам бўлади.
“Менимча, Путин ва Зеленский одамларни ўлдиришни тўхтатиб, ўзаро келишмовчиликларни “мано а мано” кўринишида ҳал қилишлари керак. Мазкур томошани пуллик қилиб қўйса ҳам бўлади. Мен жаноб З Путинни ер тишлатишини кўришни хоҳлайман”, — деб ёзди у.
“Мано а мано” ибораси икки киши ўртасидаги зиддиятни тасвирлаб, испан тилидан “қўлга қўл” деб таржима қилинади.
Изоҳ (0)