Швеция миграция муаммоси билан боғлиқ инқирозли вазиятга тайёрланмоқда. Бу ҳақда, «Европейская правда» хабарига кўра, Швеция бош вазири Стефан Левен маълум қилди.
«Бу Иккинчи жаҳон урушидан кейин кузатилган энг ёмон миграция инқирозидир. Сўнгги етти кун давомида Швецияга 8899 киши келди. Агар шундай давом этаверса, бу ерга 150 минг киши келади», — деди у.
«Швеция инқирозга тайёрланмоқда. Жорий вазият биздан ва Европа Иттифоқидаги ҳаммадан ўзига масъулият олишни талаб қилади. Бу бизга пулга тушади», — деди Левен.
Унинг сўзларига кўра, ҳозирги вақтда қочоқларни бошпана билан таъминлаш биринчи галдаги вазифадир. «Стандартлар пасаймоқда. Бунда гап бош устидаги том ҳақида бормоқда», — дея, у Швеция ҳукуматининг қочоқлар учун иситиш ускунаси бор чодирлар сотиб олиш ниятида эканлигини билдирди.
Қайд этиш жоиз, Швеция ҳозирга қадар қочоқларни энг яхши шароитлар билан қабул қилиб олувчи мамлакатлардан бири сифатида эътироф этиларди. 9 октябрь куни Европа Иттифоқининг янги режаси доирасида қочоқларнинг дастлабки гуруҳлари Италиядан Швецияга кўчирилди.
Изоҳ (0)