Брайан Трейси – канадалик ноёб олим, бизнес-тренер, қатор иродали сифатларга эга инсон. Бир қарашда, унинг тақдир тарихи ҳақиқий бўлиши учун ҳаддан зиёд улуғвор ва кўркамдек туюлади. Шундай бўлса-да, унинг йўли – муваффақият бу истеъдод ва омадлиликнинг бор-йўғи 1% и, қолгани ниҳоятда зўр меҳнат ва эртаю кеч олдига қўйилган мақсадларга олға юриш қобилияти эканлигини яна бир бор тасдиқловчи ҳаётий мисолдир. Унинг шахсий ишини ўрганиб, бунга ўзингиз амин бўлинг.
Исм-шарифи: Брайан ТрейсиТуғилган санаси: 27 ноябрь, 1944 йилТуғилган жойи: Ванкувер, КанадаМаълумоти: Альберт университети, тижорат соҳасида бакалавр ва магистр даражаларига эга, олтита тилни билади.Фаолият тури: даъваткор-нотиқ, ёзувчи, бизнес-тренер, долларли миллиардер.Оиласи: турмуш ўртоғи Барбара Трейси, тўртта фарзанди (Кристина, Майкл, Дэвид, Кетрин)Бурж белгиси: Ўқотар
Муваффақиятининг тарихи:
Брайан ўртаҳол ўқитувчи ва дурадгор оиласида дунёга келган. Брайан оиласи зўрға кун кўрар ва доимий очин-тўқин яшаганликлари туфайли, ўткир очлик ҳисси доимо унинг болалигидаги энг ёрқин эсдалиги бўлиб қолди.Ўқиш тугашига оз қолганда, Брайан мактабни ташлаб, қўшимча юкларни ўтказиш билан шуғулланувчи кемада ишга жойлашди. Саккиз йил давомида жаҳонни кезиб, у беш қитъада жойлашган 80 та мамлакатда бўлиб қайтди.
22 ёшида Брайан Трейси пароходдаги оғир қора ишини ташлаб, йирик инвестицион компанияга ишга ўтди. Ушбу соҳада муваффақиятга эришиш учун, Трейси ўзининг кўпроқ натижага эришган ҳамкасблари мисолида ишга ўрганиб, ишининг биринчи йили охиридаёқ катта сотувчи ўрнини эгаллади. Икки йилдан сўнг эса, 25 ёшида вице-президент лавозимига эришади ва 95 та ходимларига раҳбарлик қилади.
Ўттиз ёшида у Канаданинг Альберта провинцияси университетига ўқишга киради ва иқтисод ҳамда бизнес соҳасида даражани қўлга киритади. Университетини тамомлаганидан сўнг, уни йирик компанияга кўчмас мулк савдоси бўлими бошлиғи лавозимига ишга олишади. Бир неча йил ўтгач, унга ишонилган бўлимнинг айланмалари эллик миллион долларга етади.
Бундай муваффақиятдан сўнг, Трейси Япониядан автомобилларни импорт қилиш билан шуғулланиш мақсадида, фирмани тарк этади. Мазкур соҳада билимлари бўлмаганлигига қарамай, Брайан ўзини йўқотиб қўймади ва тадқиқотлар орқали ўзи учун янги кўникмалар ишлаб чиқиш, ўзидан тажрибалироқ ҳамкасблари билан мулоқотда бўлиш, уларнинг хатти-ҳаракатларини ўрганиш ва албатта, бозор хусусиятларини ўрганишга киришади. Лойиҳадаги умумий фаолияти давомида у компаниянинг дистрибьюторлик тармоғини бутун мамлакат бўйлаб олтмиш бештагача етказади, унинг олиб кираётган автомобиллари нархи эса йигирма беш миллионга тенглашади.
Муайян давргача Трейси ўз фаолият соҳасини ўзгартириб борар, ҳар бирида ўзинниг янги рекордини ўрнатар эди. У реклама, банкларда ва бошқа тармоқларда тажрибани бошдан кечирди. У «ўз иши»ни ахтаришни — бизнес ва муваффақият психологияси бўйича методик адабиётлар ва дастурларни ишлаб чиқаришга ихтисослашган Brian Tracy International компаниясини очиш билан якунлади.
Брайан Трейси муваффақият, кишининг салоҳиятли имкониятларини ривожлантириш ва бизнесни муваффақиятли бошқариш масалалари бўйича дунёнинг етакчи мутахассисларидан бирига айланди. У олти қитъадаги саксондан ортиқ мамлакатда ўз маърузалари билан чиқиш қилди ва фаолият юритди. Трейси, шунингдек, Калифорния штати губернатори сайловларида қатнашди ва ўзида аниқланган саратон касаллигини енга олди.
Шу каби ҳайратомуз натижаларга эришишни истайсизми?
Ўз муваффақият йўлини ўтаб бўлган, муваффақиятга эришган кишиларнинг усулларини қўллаш орқали сиз ўз мақсадингизга эришиш йўлида янада тезроқ олға силжий оласиз. Қолаверса, 7 ноябрь Тошкентда, Туркистон санъат саройида Брайан Трейсининг семинарида шахсан қатнашиш каби ноёб имкониятига эгасиз.Брайан Трейси ўзининг, бугунги кунда энг машҳур — «Максимумга эришиш» бизнес-семинари билан чиқиш қилади. Унда мисли кўрилмаган қисқа муддатларда, максимал даражада мумкин бўлган натижаларга эришиш йўлларини очиб беради.
Семинар доирасида дунёдаги энг муваффақиятли кишиларнинг стратегиялари, уларнинг одатлари, қоидалари ва фикрлаш хусусиятлари батафсил ўрганилади. Бундан ташқари, мақсадларни самарали ташкил этиш жараёнлари ва уларга эришиш йўлларини аниқлаш, шахсий меҳнат унумдорлигини ошириш, вақтни бошқариш ва ҳаётнинг ҳар бир соҳасида мислсиз натижаларни режалаштириш кабилар кўриб чиқилади. Брайан Трейси семинар қатнашчиларига ўзларида асосий молиявий активни аниқлашга ёрдам беради ва ундан максимал натижаларга эришиш йўллари билан таништириб ўтади.
Шу билан бирга, семинар доирасида сиз ўз хизмат алоқаларингиз тармоғини кенгайтириш, йирик компанияларнинг бош раҳбарлари билан танишиш, тадбирнинг етакчи ҳамкорлари ташаббуслари ва конкурсларида қатнашиш имкониятларига эга бўласиз.
Тадбирнинг ахборот ҳамкори сифатида намоён бўлган Ucell уяли алоқа оператори «Қандай қилиб Б. Трейсининг ‘Максимумга эришиш’ семинари ҳаётимни ижобий томон ўзгартириши мумкин» мавзусида ижтимоий танловни ўтказиш ташаббуси билан чиқди. Операторнинг ижтимоий тармоқлари ва расмий www.ucell.uz сайтида 19 октябрь куни бошланиши кутилаётган танлов доирасида Business категориясининг 10 та чиптаси ўйналади. Ucell кишиларнинг ахборот ва билимларга бўлган иштиёқини қўллаб-қувватлайди ҳамда Ўзбекистон аҳлига халқаро тажриба ва ноёб билимларни эгаллашга кўмак беради.
Мавжуд бўлган барча имкониятлардан фойдаланинг ва муваффақиятингизга эришиш йўлида қатъийликни намоён этинг!
Чипталарни харид қилиш юзасидан барча батафсил маълумотларни тадбирнинг расмий сайти www.change.uz ёки (+99890) 994-12-11, (+99890) 995-12-11 рақамлари орқали олиш мумкин.
Брайан Трейсининг ўқитувчилик ва ёзувчилик фаолияти:
1981 йилда Брайан Трейси, аввалига «Феникс семинари» номи билан машҳур бўлган муваффақият тизимини ишлаб чиқди.1985 йилда у ушбу семинарининг қайта ишланган вариантини – «Ютуқлар психологияси» номи остида аудикассеталар чиқарди. Кейинчалик у жаҳон бестселлерига айланди ва 20 та тилга таржима қилинди.
2010 йилда тадбиркорлар, бизнесменлар ва савдо бўйича менежерлар учун «Брайан Трейси Университети» онлайн-курсларини ташкил этди.
2013 йилда русийзабон макон тадбиркорлари учун Брайан Трейси Академиясини очди. Бу ерда унинг семинарлари, видеоҳужжатлари ва блоги рус тилида тақдим этилган.
Бугунги кунда Трейси дунёнинг энг машҳур бизнес-тренерларининг биринчи ўнталигига киради. Брайан беш юзта компания учун тўрт ярим мингдан зиёд семинарлар ўтказди. Уларнинг қаторида BMW, Bayer, IBM, Ford, Nissan, Toyota ва кўплаб бошқа бутун дунёга машҳур гигантлар бор. Унинг ҳар йиллик аудиторияси нафақат ўз бизнеси, балки ҳаётини ҳам самарали бошқаришни хоҳловчи 250 минг кишини ташкил этади.
Трейси бизнесни самарали бошқариш масаласи бўйича 45 дан ортиқ китоб ёзиб, чоп этди; инсоннинг бутун шахсий ва профессионал фаолияти, шахсий тараққиёт ва муваффақият спектрларини қамраб олувчи кўплаб ўргатувчи аудио ва видеодастурларни ишлаб чиқди. Шу жумладан, «Ютуқлар психологияси», «Миллион долларлик одатлар», «Максимал муваффақият», «Бу қурбақани еб ол», «Қандай қилиб яхши ходимларни ёллаш ва уларни ушлаб қолиш керак», «Ўз вақтингни бошқар ва натижаларингни икки ҳисса кўпайтир» ва кўплаб бошқа жаҳон бестселлерлари.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)