АҚШнинг Техас штатида яшовчи қизча кунига 12 минг марта акса уради, шифокорлар ҳозирча ушбу хасталикни даволай олмаяпти. Бу ҳақда CBS телеканалига таяниб, «РИА Новости» хабар берди.
12 ёшли Кэтлин Торнли бир дақиқада 20 мартадан аксира бошлайди, бу у ухлаб қолмагунича, кун бўйи давом этаверади. Қиз тинч ухлаши учун унга тинчлантирувчи таъсирга эга антигистамин дорилар беришга тўғри келади.
Қиз доимий равишда қорин мушакларида оғриқ бўлиши, оёқлари мадорсизлиги туфайли юришга қийналаётгани, овқат ейишга қийналаётганидан шикоят қилмоқда.
Ота-онаси Торнлини олти нафар шифокорга кўрсатди, бироқ қизнинг организмида нима содир бўлаётганини ҳеч ким тушунтириб бера олмади. Аммо шифокорлар унда аллергия ёки қандайдир респиратор вируси борлиги тўғрисидаги тахминларни рад этди.
Изоҳ (0)