Россия президенти матбуот котиби Дмитрий Песков Кремлдагилар Федерал хавфсизлик хизматининг элита мулки ва яхталар эгалари ҳақидаги маълумотларни махфийлаштириш тўғрисидаги ташаббусидан бехабар эканлигини айти, деб ёзади «Газета.ru». Аввалроқ ФХХнинг ушбу ғояси ҳукуматнинг дастлабки тасдиғидан ўтгани хабар берилган эди.
«Мен бехабарман, биринчи марта эшитишим. Сизга ҳеч қандай жавоб бера олмайман», — деди Песков.
Матбуот котиби «ишончлироқ ахборот» пайдо бўлгач, ушбу маълумотга эътибор қаратишга ваъда берди.
Эслатиб ўтамиз, ФХХ ҳукуматга киритган қонун лойиҳаси Кўчмас мулк учун ҳуқуқлар ягона давлат реестридаги маълумотларни махфийлаштиришни назарда тутади. Айни пайтда барча маълумотлар очиқ ҳолда бўлиб, ундан ҳар ким фойдалана олади. ФХХ маълумотлар базасини ёпиқ ҳолга келтириб, ундан фақат ягона давлат реестри фойдалана оладиган қилишни таклиф этмоқда.
Изоҳ (0)