Япония фуқароларига 12 хонали шахсий рақам тақдим этилади, дея хабар бермоқда «Сегодня.ua».
Мамлакатда ҳар бир фуқаро учун бир умрлик идентификаторни ўзлаштириш тўғрисидаги қонун кучга кирди. Рақамланганлар сафига японияликлар ҳамда мамлакатда узоқ вақтдан буён яшаётган чет элликлар киради.
Октябрь—ноябрдаёқ аҳоли ўзларига берилган рақам қайд этилган карточкаларга эга бўлади. 2016 йил январидан ушбу рақамлар ҳисобга олиш операциялари, солиқ солиш ва ижтимоий суғурта тизимларини соддалаштириш ва бир хиллаштириш учун ишлатила бошлайди.
Ҳукумат, шунингдек, рақамлардан фойдаланиш мумкин бўлган соҳаларни янада кенгайтириш ниятида.
Изоҳ (0)