Ўртаер денгизида, Ливия қирғоқлари яқинида 5 октябрь, душанба куни ҳалокатга учраётган олтита катта қайиқдан 1,8 мингдан зиёд муҳожир қутқариб қолинди. Бу ҳақда «Европейская правда» хабар бермоқда.
Йўловчиларни қутқариш бўйича ўтказилган амалиётлар чоғида жами 1830 нафар киши қирғоққа етказилган. Европа Иттифоқининг Ўртаер денгизидаги амалиётларида қатнашаётган учта Италия, биттадан Буюк Британия ва Ирландия кемаси муҳожирларни қутқаришга сафарбар этилган.
Олдинроқ сўнгги беш кун мобайнида Ливия қирғоқлари яқинида камида 95 нафар муҳожирнинг жасади топилгани хабар қилинган эди.
Изоҳ (0)