«Ғалаба учун фронт» ҳаракатидан Аргентина президентлигига номзод Даниэль Сциоли сайловдан 20 кун аввал олий маълумот тўғрисидаги дипломни қўлга киритди. Бу ҳақда маҳаллий ОАВ хабарларига таяниб, «ТАСС» хабар бермоқда.
Сайловолди пойгаси етакчиси салкам 40 йил аввал ташлаб кетишга мажбур бўлган ўқишини ўтган йили якунига етказишга қарор қилди. Аргентина бизнес университети раҳбарияти бир пайтлар ўтаган синовларини инобатга олиб, Сциолига тўққизта фан бўйича имтиҳон топширишига рухсат берди. 5 октябрь, душанба куни ҳукмрон партиядан номзод маркетинг йўналиши бўйича дипломни ёқлади. Имтиҳон комиссияси унга ўн балли даража бўйича етти баҳо қўйди.
Аргентинада президентлик сайловлари 25 октябрда бўлиб ўтади. 9 август куни ўтказилган дастлабки сайловларда Сциоли 38,41%, унинг яқин рақобатчиси, мухолифатдаги «Республика таклифи» партияси номзоди Маурисио Макри эса 24,28% овоз тўплаган.
Изоҳ (0)