НАТО Кенгаши Россиянинг Суриядаги ҳарбий операцияси тинч аҳоли вакиллари ўлимига сабаб бўлганини маълум қилди, дея хабар бермоқда Meduza.
5 октябрь кунги мажлис якунлари бўйича НАТО Кенгаши Россиядан «Сурия мухолифати ва аҳолига ҳужум қилишни зудлик билан тўхтатиш», ИШИДга қарши курашни кучайтиришга бор эътиборини қаратиш, шунингдек, низони сиёсий жиҳатдан тартибга солишга кўмаклашишни талаб қилди.
НАТО баёнотида, шунингдек, Туркия ҳаво ҳудудига Россия самолётлари бостириб киргани ҳақида айтилади. Альянс маълумотларига кўра, чегарани 3—4 октябрь кунлари Су-30 ва Су-24 учувчилари босиб ўтган.
Альянс «бунчалик масъулиятсиз хатти-ҳаракатлар ўта хавфли эканлиги» ҳақида огоҳлантирди ва Россиядан изоҳ талаб этди, шунингдек, бундай ҳодисалар бошқа такрорланмаслигига кафолат беришини сўради.
Эслатиб ўтамиз, Россия авиацияси Суриядаги нишонларга зарба беришни 30 сентябрдан бошлади. Россия қуролли кучлари операцияни Сурия ҳукумати сўрови билан бошлади.
Изоҳ (0)