Туркия президенти Ражаб Тоййиб Эрдўғон Россиянинг Суриядаги ҳарбий операциясини катта хато деб атади, деб ёзади Meduza.
Унинг сўзларига кўра, Туркия учун Россиянинг хатти-ҳаракатлари номақбул. Эрдўғон операция натижасида Россия Яқин Шарқда изоляцияда қолишини айтди.
Туркия президенти, шунингдек, худди Россия каби Сурия президенти Башар Асадни қўллаб-қувватлаётган Эронни танқид қилди. Эрдўғон Эронни Сурияда «давлат терроризми»га кўмаклашишда айблади.
Эслатиб ўтамиз, Россия авиацияси Суриядаги нишонларга зарба беришни 30 сентябрдан бошлади. Россия қуролли кучлари операцияни Сурия ҳукумати сўрови билан бошлади.
Изоҳ (0)