АҚШ раҳбарлигида ИШИДга қарши ҳарбий ҳаракатларни мувофиқлаштирувчи халқаро коалиция Россиядан исёнчилар ва тинч аҳоли вакилларини бомбардимон қилишни тўхтатиб, террорчилар билан курашга диққат қаратишни талаб қилди, дея хабар бермоқда Meduza.
Туркия, АҚШ, Буюк Британия, Германия ва Форс кўрфази мамлакатларининг биргаликдаги баёнотида айтилишича, Россиянинг хатти-ҳаракатлари Суриядаги низо янада авж олишига сабаб бўлиб, экстремистик кайфиятни кучайтиради.
Россия 30 сентябрдан буён Сурияда бир неча ўнлаб авиазарбалар берди. Мудофаа вазирлиги Россия самолётлари Сурия президенти Башар Асад армияси берган мўлжалга кўра ИШИД нуқталарини бомбардимон қилаётганини таъкидламоқда.
Россия авиазарбалар берган ҳудудда ИШИД эмас, исёнчилар фаолият олиб бориши хабар қилинди. Ҳужумлар натижасида 30 дан зиёд тинч аҳоли вакиллари ҳалок бўлгани айтилди. Россия президенти Владимир Путин эса бундай баёнотларни ахборот ҳужуми деб атади.
Изоҳ (0)