Оклахома штати губернатори Мери Феллин қотиллиги учун ўлимга ҳукм этилган маҳбуснинг қатлини ижро этилишидан бир дақиқа аввал кечиктиришга қарор қилди. Бу ҳақда «Корреспондент.net» хабар бермоқда.
52 ёшли Ричард Глоссип бошлиғини ўлдиришда айбланиб, 1997 йилда ҳибсга олинган. Унинг ўзи айбини тан олмаган, қотилликни ҳамкасби, умрбод қамоқ жазосига ҳукм қилинган Жастин Снид амалга оширганини билдирган.
Глоссип сўнгги истаги —пицца ва картошка аралаштирилган балиқдан иборат тушликни еб бўлганида қатлни қолдириш тўғрисида буйруқ келди. Губернатор қатл учун мўлжалланган инъексиянинг сифатига шубҳа билан қарагани учун шундай қарорга келган. Расмийлар инъексия маҳбус то ҳаётдан кўз юмгунига қадар бир неча соат қийналишига сабаб бўлиши мумкинлигидан ташвишланган.
Глоссипнинг қатли келгуси ойга — 6 ноябрга қолдирилди.
Изоҳ (0)