Непал расмийлари Эверест тоғига кўтарилиш қоидаларини қайта кўриб чиқиб, вояга етмаганлар, тажрибасизлар ва кекса альпинистларга экспедицияларда иштирок этишни ман қилиш ниятида. Мазкур қоидалар келгуси йил баҳорида кучга кириши кутилмоқда. Бу ҳақда мамлакат маданият, туризм ва фуқаролик авиацияси вазири Дипак Чандра Аматья маълум қилди, дея хабар бермоқда «ТАСС».
Вазирнинг айтишича, 75 ёшдан ошганлар, 18 ёшга тўлмаганлар, шунингдек, 6,5 минг метрдан зиёд баландликка чиқмаганлар учун Эверестга кўтарилиш тақиқланади. «Биз барча истовчиларга Эверестга чиқиш ва ўша ерда ўлиб кетишига рухсат беролмаймиз. Кўтарилишга жисмоний ва руҳий жиҳатдан тайёр бўлмаса-да, бунга интилаётганларни ўз жонига қасд қилишга боряпти, десак тўғри бўлади», — дея таъкидлаган Дипак Чандра Аматья.
Эслатиб ўтамиз, ҳар йили ўртача 600 киши Эверест чўққисини забт этишга ҳаракат қилади.
Изоҳ (0)