iOS 9 операцион тизимида, телефон парол ёки Touch ID орқали блокланганига қарамай, қурилмадаги маълумотлардан фойдаланиш имконини берадиган носозлик борлиги маълум бўлди. Бу ҳақда TJ хабар бермоқда.
Siri’га мурожаат қилиш ёрдамида атиги 15 та оддий ҳаракатни амалга ошириш орқали, блок қилиш тизимини айланиб ўтиб, телефондаги алоқа маълумотлари ва медиа файллардан фойдаланиш мумкин. Бунинг учун бир неча бор нотўғри парол киритилиши, шундан сўнг, овозли ёрдамчидан соат неча бўлганини сўраш керак.
https://www.youtube.com/watch?v=obmAJr3eYXE
Siri аниқ вақтни маълум қилиши билан, «Соат» мобил дастурининг ёрлиқчасига босиш ва вақт минтақасини аниқлаштириш лозим. Мазкур манипуляция контактлар рўйхатига олиб бориши мумкин, бунда янги алоқани қўшиш имкони пайдо бўлади, алоқа маълумотларини киритаётганда эса қурилма унинг учун аватар (хос сурат) танлашни таклиф қилади.
Мазкур ҳаракатлар нафақат алоқалар рўйхатини тўлиқ кўриш, балки телефонда сақланаётган барча суратлар билан танишиш имконини беради.
Блок қилиш тизимини айланиб ўтган киши маълумотларни фақат кўра олади, уни бошқа бировга узата олмайди. Агар қурилманинг созлашларида блок қилинган экранда Siri ҳам ўчиқ бўлиши кераклиги ҳақидаги шарт белгиланган бўлса, у ҳолда бу носозликдан фойдаланиб бўлмайди.
15 сентябрь куни шунга ўхшаш носозлик Android операцион тизимида ҳам топилган эди.
https://www.youtube.com/watch?v=J-pFCXEqB7A
Изоҳ (0)