Kaliningraddagi Immanuil Kant nomli Baltika federal universiteti (Rossiya) olimlari ko‘rinishi va harakatlaridan haqiqiy hasharotdan farqlash qiyin bo‘lgan suvarak-robot yaratdi. Bu haqda “Argumenti i fakti” xabar bermoqda.
Elektron hasharot vayronalar ostida qolgan odamlarni qidirishi, shuningdek, josuslik bilan shug‘ullanishi mumkin. Robot yorug‘likni sezuvchi sensorlar, to‘siqlarni payqash va ularni chetlab o‘tishga imkon beruvchi datchiklar tizimi bilan ta’minlangan.
Robotni yaratish chog‘ida suvaraklarning Janubiy Amerikada uchraydigan turi — Blaberus Giganteus’dan andoza olindi. Robotning uzunligi 10 santimetrdan kichik, ammo u soniyasiga 30 santimetr tezlikda harakatlana oladi.
Robot o‘zi bilan kichik hajmdagi yuk, aytaylik, mitti kamera yoki ovoz yozib olish qurilmasini olib yurishi mumkin. Olimlar uning o‘zini tutishi suvaraklarnikiga imkon darajada o‘xshash bo‘lishiga e’tibor qaratilganini ta’kidlamoqda.
https://www.youtube.com/watch?t=56&v=izNJM3T2A7k
Izoh (0)