АҚШда фазо чегарасига қадар учиб бора оладиган планернинг синов парвозлари муваффақиятли ўтди. Reuters хабарига кўра, қурилма Орегон штати осмони бўйлаб учган.
Мазкур синовнинг муваффақияти 27 минг баландликда жойлашган, 2016 йилга мўлжалланган стратосферага парвоз йўлини очади. Агар бу парвоз ҳам муваффақиятли чиқса, Perlan 2 планери қанотли учувчи қурилмаларнинг барча баландлик рекордларини уради.
Қанотларининг умумий кенглиги тахминан 25 метрга тенг бўлган Perlan 2 планери стартда оддий самолёт ёрдамида ҳаракатга келтирилади, ҳавода эса автоном режимда ишлашни бошлайди — қурилма шамол ҳисобига тезлик ва баландликни оширади.
Планерни қуриш ва синовдан ўтказиш ишлари нотижорат Perlan Project ташкилоти томонидан олиб борилмоқда, лойиҳани Airbus компанияси (олти миллион доллар миқдорида) молиявий қўллаб-қувватламоқда.
Изоҳ (0)