Тошкент вилояти Зангиота туманида жойлашган Зангиота зиёратгоҳи катта реконструкция ишларидан сўнг ажойиб мажмуага айланди. Блогер Хушнудбек Худойбердиев зиёратгоҳдан фоторепортаж тайёрлади.
Блогернинг қайд этишича, бунёдкорлик ишлари нафақат зиёратгоҳнинг ўзида, балки унинг ён-атрофида ҳам бир хилда давом эттирилмоқда. Яъни зиёратгоҳ баҳонасида ўша ҳудуддаги инфраструктура янгиланмоқда.
«Сергели туманидаги ‘Ўзгариш’ мавзесидан Янгийўл туманига борадиган катта автомобиль йўли қайта таъмирланди, йўл кенгайтирилди, кўча ўртасига замонавий ёритгичлар ўрнатилмоқда. Шунингдек, Зангиота зиёратгоҳи атрофида меҳмонхона, деҳқон бозори, супермаркет, нонвойхона, аҳолига маиший хизмат кўрсатиш объектлари қурилди ва яна бир қанча шунга ўхшаш объектлар қурилиши давом этмоқда», — деб ёзади Хушнудбек Худойбердиев.
Қуйида зиёратгоҳ акс этган фотосуратлар билан танишишингиз мумкин.
Изоҳ (0)