Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли камида 310 киши ҳалок бўлди. Бу ҳақда, Саудия Арабистони фуқаро муҳофазаси бошқармасига асосланиб, «РИА Новости» хабар бермоқда.
Олдинроқ 204-кўчада рўй берган тиқилинч оқибатида 220 киши ҳалок бўлгани, 4000 қутқарувчи ва шифокор ҳодиса жойида ишлаётгани хабар берилган эди.
CNN телеканали берган хабарга кўра, тиқилинч ҳаж маросимларидан бири — шайтонга тош отиш вақтида рўй берган. Маросим вақтида 100 минглаб одамлар бир жойга тўпланиб қолган.
Ҳаж амалларини бажариш 22 сентябрь, сешанба кунидан бошланган.
Изоҳ (0)