Жиноий ҳамжамият ташкил этиш ва фирибгарликда айбланаётган Коми республикаси раҳбари Вячеслав Гайзернинг адвокатлари унинг ҳибсга олиниши устидан шикоят қилди. Бу ҳақда «РИА Новости» хабар бермоқда.
«Судга апелляция шикояти тушди», — деди Москва шаҳар Басманний тумани суди матбуот котиби Анна Фадеева.
Россия Тергов қўмитаси 19 сентябрь куни Коми республикаси раҳбари Вячеслав Гайзер бошчилик қилган жиноий ҳамжамият фаолиятига чек қўйилганини маълум қилганди.
Москва шаҳар Басманний тумани суди жиноят ишининг барча иштирокчиларини ҳибсга олди. Гайзер ўзига нисбатан илгари сурилаётган айбловларни рад этмоқда.
Изоҳ (0)