Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли камида 220 киши ҳалок бўлди, 450 киши турли даражада тан жароҳати олди. Бу ҳақда, Саудия Арабистони фуқаро муҳофазаси бошқармасига асосланиб, «РИА Новости» хабар бермоқда.
Олдинроқ мазкур бахтсиз ҳодиса оқибатида 150 киши ҳалок бўлгани ҳақида хабар берилган эди. Қайд этишларича, тиқилинч 204-кўчада юзага келган.
Ҳозирги вақтда 4 000 қутқарувчи ва шифокор ҳодиса жойида ишламоқда. Яна 220 дона техника қутқарув ишларига жалб қилинган.
Қайд этиш жоиз, 2015 йилги Ҳаж мавсумида бундан аввал ҳам бахтсиз ҳодиса юз берганди. Хусусан, 11 сентябрь куни Саудия Арабистонининг бош масжиди — Ал-Ҳарам масжиди устига қурилиш кранининг қулаши оқибатида камида 109 киши ҳалок бўлган, 230 дан ортиқ одам жабрланган эди.
Изоҳ (0)