Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли камида 150 киши ҳалок бўлди, 400 киши турли даражада тан жароҳати олди. Бу ҳақда, Саудия Арабистони фуқаро муҳофазаси бошқармасига асосланиб, «RIA Новости» хабар бермоқда.
Дастлаб мазкур бахтсиз ҳодиса оқибатида 100 киши ҳалок бўлгани ҳақида хабар берилган эди. Қайд этишларича, тиқилинч 204-кўчада юзага келган. Ҳозирги вақтда қутқарувчилар ва шифокорлар ҳодиса жойида ишламоқда.
Қайд этиш жоиз, 2015 йилги Ҳаж мавсумида бундан аввал ҳам бахтсиз ҳодиса юз берганди. Хусусан, 11 сентябрь куни Саудия Арабистонининг бош масжиди — Ал-Ҳарам масжиди устига қурилиш кранининг қулаши оқибатида камида 109 киши ҳалок бўлган, 230 дан ортиқ одам жабрланган эди.
Изоҳ (0)