Facebook’даги «Потребитель.уз» гуруҳи аъзоларидан бири ҳар байрам арафасида ўз пенсия жамғармасини кам таъминланганларга кўмак бериш йўлида сарфлайдиган 80 ёшли онаси ҳақида ҳикоя қилди.
«Онам 80 ёшда, у ҳожи она, Аллоҳга шукр, ҳамма нарсаси етарли ва ҳеч нарсага эҳтиёжманд эмас, лекин ҳеч қачон кам таъминланган кишиларни, ёлғиз инсонларни эсдан чиқармайди. Ҳар байрамда у ўз пенсия жамғармасини, маҳалладаги кам таъминланганлар учун озиқ-овқат маҳсулотларини сотиб олишни сўраб, маҳалла қўмитаси раисига топширади.
Яқинда онам бир воқеани эшитиб қолди: бир қиз онасининг ўлимидан сўнг тушкунликка тушиб қолиб, юриш қобилиятини йўқотган ва 10 йилдан зиёд вақтдан бери бировнинг ёрдамисиз ҳаракатлана олмас экан. Бу воқеа онамга жуда таъсир қилди ва у бу қиз учун ногиронлар аравачаси сотиб олишга қарор қилди. Кеча, Ҳайит арафасида биз онамнинг пенсиясига сотиб олинган бу совғани маҳалла қўмитасига олиб бордик, бироқ раис совғани шахсан онам топширишлари шарт деб туриб олди ва биз шундай қилдик.
Имкониятингиз даражасида яхшилик қилинг ва сизга ҳам яхшилик келади. Байрам муборак бўлсин!», — деб ёзади Facebook фойдаланувчиси.
Изоҳ (0)