24—25 сентябрь кунлари Нью-Йоркда папа Францискнинг хавфсизлигини 45 минг полициячи ва бошқа ҳуқуқни муҳофаза қилиш органи ходимлари таъминлайди. Бу ҳақда «ТАСС» хабар беради.
АҚШ Махфий хизмати собиқ ходими Дэйв Уилкинсоннинг CNN телеканалига берган интервьюсида ташриф олдидан ўн ой давомида хавфсизлик учун масъул шахслар томонидан таҳдиднинг барча вариантлари кўриб чиқилганлигини маълум қилди.
Олдинроқ АҚШ махсус хизматлари Рим папасига уюштирилиши режалаштирилган суиқасднинг олдини олгани хабар берилган эди.
Папа Франциск 25 сентябрь куни саммитдаги чиқишидан ташқари Нью-Йоркдаги 40 соатлик ташрифи мобайнида музей ва 11 сентябрдаги террорчилик ҳаракати қурбонларининг Манхэттендаги ёдгорлигига ташриф буюради.
Эслатиб ўтамиз, 22 сентябрь куни АҚШга ташриф буюрган Рим папасини шахсан Барак Обама самолёт трапида кутиб олди.
Изоҳ (0)