Имконияти чекланган болалар учун Next савдо-кўнгилочар мажмуаси «Ҳар бир болага хурсандчилик ва қувноқ кайфият», деб номланган ижтимоий лойиҳани ташкил этмоқда. Бу ижтимоий лойиҳанинг асосий мақсади руҳий ва жисмоний ривожланишида нуқсони бўлган болажонларнинг мурғак қалбига қувонч ва қувноқ кайфият улашишдир. Бу ҳақда Next СКМнинг Илмий лаборатория ва Юра даври боғи маъмури «Дарё»га маълум қилди.
Next савдо-кўнгилочар мажмуаси ўсиб келаётган авлодни маънавий ва марифий жиҳатдан тўғри тарбиялашда ўз ҳиссасини қўшиб, шу соҳада зарур бўлган чора-тадбирларни амалга ошириб келмоқда. Шу жумладан, меҳрибонлик уйларида тарбияланаётган даун, аутизм, ДЦП ва ақли заиф болалар учун Next савдо-кўнгил очиш мажмуаси уларни ташриф буюра олмасликларини инобатга олиб шу ижтимоий лойиҳа, яъни «Юра даврига саёҳат» масканидаги динозавр макетини (Тираннозавр Рекс) ва қизиқарли Сеҳргар шоуси билан болалар уйларига ташриф буюришга қарор қилди.
Ташриф доирасида 2015 йилнинг 25 сентябрь куни Тошкент шаҳрининг Юнусобод ва Яккасарой туманлардаги бир нечта меҳрибонлик уйларида тарбияланаётган болаларнинг қалбига қувонч ва қувноқ кайфият улашиш учун нафақат ажойиб томошалар, балки динозаврлар ҳақида илмий ва тарихий маълумотларни тақдим этиш ҳам кўзда тутилган.
Мурожаат учун телефон рақамлар: 200-33-99, 626-57-97, 610-72-28.
Изоҳ (0)