Imkoniyati cheklangan bolalar uchun Next savdo-ko‘ngilochar majmuasi “Har bir bolaga xursandchilik va quvnoq kayfiyat”, deb nomlangan ijtimoiy loyihani tashkil etmoqda. Bu ijtimoiy loyihaning asosiy maqsadi ruhiy va jismoniy rivojlanishida nuqsoni bo‘lgan bolajonlarning murg‘ak qalbiga quvonch va quvnoq kayfiyat ulashishdir. Bu haqda Next SKMning Ilmiy laboratoriya va Yura davri bog‘i ma’muri “Daryo”ga ma’lum qildi.
Next savdo-ko‘ngilochar majmuasi o‘sib kelayotgan avlodni ma’naviy va marifiy jihatdan to‘g‘ri tarbiyalashda o‘z hissasini qo‘shib, shu sohada zarur bo‘lgan chora-tadbirlarni amalga oshirib kelmoqda. Shu jumladan, mehribonlik uylarida tarbiyalanayotgan daun, autizm, DSP va aqli zaif bolalar uchun Next savdo-ko‘ngil ochish majmuasi ularni tashrif buyura olmasliklarini inobatga olib shu ijtimoiy loyiha, ya’ni “Yura davriga sayohat” maskanidagi dinozavr maketini (Tirannozavr Reks) va qiziqarli Sehrgar shousi bilan bolalar uylariga tashrif buyurishga qaror qildi.
Tashrif doirasida 2015-yilning 25-sentabr kuni Toshkent shahrining Yunusobod va Yakkasaroy tumanlardagi bir nechta mehribonlik uylarida tarbiyalanayotgan bolalarning qalbiga quvonch va quvnoq kayfiyat ulashish uchun nafaqat ajoyib tomoshalar, balki dinozavrlar haqida ilmiy va tarixiy ma’lumotlarni taqdim etish ham ko‘zda tutilgan.
Murojaat uchun telefon raqamlar: 200-33-99, 626-57-97, 610-72-28.
Izoh (0)