АҚШ Германия ғарбидаги авиабазага йигирмага яқин янги B61-12 атом бомбасини жойлаштиришни режалаштирмоқда. Бу ҳақда «ТАСС» хабар беради.
«Рейнланд-Пфальц ҳудудида жойлашган Бюхель яқинидаги бундесвер авиабазасида шу кунларда Американинг янги атом бомбаларини жойлаштиришга тайёргарлик кўриш бошланмоқда. Буни Frontal 21 кўрсатувида мавжуд бўлган АҚШнинг бюджет режалари тасдиқлайди. Режага кўра, 2015 йилнинг учинчи чорагидан бошлаб бюджетда АҚШ Ҳарбий-ҳаво кучлари томонидан ‘Торнадо’ немис қирувчи-бомбардимончи самолётларини янги B61-12 ядровий қуроли билан таъминлаш учун маблағ ажратиш кўзда тутилади», — дейилади ZDF немис телеканали сайтида.
Экспертларнинг баҳолашича, Бюхель яқинидаги авиабазада совуқ уруш давридан буён 10—20 га яқин Америка атом бомбаси мавжуд.
Изоҳ (0)