2015 йилнинг 14—17 сентябрь кунлари соғлиқни сақлаш вазири А.Алимов раҳбарлигида Ўзбекистон Республикаси делегацияси Литванинг Вильнюс шаҳрида Жаҳон соғлиқни сақлаш ташкилоти Европа минтақавий бюросининг 65-сессиясида иштирок этди, дея хабар бермоқда соғлиқни сақлаш вазирлиги расмий сайти.
Тадбир кун тартибига «Саломатлик-2020» сиёсатини амалга ошириш масалалари муҳокамаси киритилди. Сессия кун тартибининг кейинги масаласи 2015—2020 йилларда соғлиқни сақлаш тизимини такомиллаштириш бўлди, унда Тамакига қарши кураш бўйича ЖССТнинг Ҳадли конвенцияси амалга оширилиши, Европадаги соғлиқни сақлаш ҳолати ҳақида маъруза тингланиши, шунингдек, ЖССТнинг Европа ҳудуди учун жисмоний фаоллик бўйича стратегия ва бошқалар муҳокама қилинди.
Сессияда Европа минтақавий бюросининг турли қўмиталари таркибига 2015—2018 йиллар учун аъзоларни сайлаш жараёни доирасида Ўзбекистон Республикаси Соғлиқни сақлаш вазири А.Алимов номзоди Соғлиқни сақлаш ва экология масалалари бўйича Европа Вазирлар Кенгаши таркибига сайланиш учун кўрсатилиши кўзда тутилган.
Сессия ишида, шунингдек, Европа минтақавий бюроси Минтақавий бюролар томонидан аввалги сессияларда маъқулланган резолюцияларнинг бажарилиши бўйича олтита ҳисобот кўрсатди.
Тадбир давомида навбатдаги «Ўзбекистон Республикаси Соғлиқни сақлаш вазирлиги ва ЖССТ Европа минтақавий бюроси ҳамкорлиги тўғрисида 2016—2017 йилларга мўлжалланган икки йиллик битим» ҳамда Ўзбекистон Республикаси Соғлиқни сақлаш вазирлиги ва Литва Соғлиқни сақлаш вазирлиги ўртасида соғлиқни сақлаш ва тиббиёт фани соҳасида ҳамкорлик бўйича битим имзоланди.
Изоҳ (0)