18 сентябрь куни Ахборот-коммуникация технологиялари Саммитининг ялпи мажлисининг ўтказилиши АКТ Ҳафталигининг хотимаси бўлди. Бу ҳақда Саммит матбуот хизмати «Дарё»га хабар берди.
АКТ Саммити ўтказилишининг мақсади ўтаётган йилнинг ахборот технологиялари ва коммуникациялар соҳасининг ривожланишидаги натижаларга хулоса ясаш, соҳа олдида турган стратегик вазифаларни муҳокама қилиш, АКТ Форуми қатнашчилари томонидан киритилган Резолюцияни муҳокама қилиш ва уни қабул қилишдан иборат эди. Тадбир доирасида «Электрон ҳукумат» тизимининг келгуси ривожланиши бўйича масалалар, ахборот хавфсизлиги, дастурий маҳсулотлар бозорини ривожлантириш, ахборот ресурслари ва бошқалар кўриб чиқилди. Соҳадаги ижобий тажрибагина эмас, балки мавжуд муаммолар ва уларни ечиш йўллари таҳлил этилди.
Тадбирда 50 та халқаро эксперт ва 300 та иштирокчи, ICTSUMMIT 2015 нинг асосий маърузачилари орасида АКТ соҳасида 20 та мутахассис қатнашди.
Саммит қатнашчиларининг йиғилиши доирасида ўз маърузалари билан Ўзбекистон Республикаси Олий Мажлисининг Қонунчилик палатаси Ахборот ва коммуникация технологиялари масалалари бўйича Қўмита раиси — Илҳом Абдуллаев; Huawei Technologies компанияси тармоқларини ривожлантириш ва бизнес бўйича Консалтинг президенти — Пол Майкл Сканлан; Шарқий Европа ва МДҲ бўйича тақсимланган номлар маълумотлар ва манзилларни берадиган Интернет-корпорацияси (ICANN) вице-президенти — Михаил Якушев; БМТ Иқтисодий ва ижтимоий масалалари департаментининг электрон ҳукумат бўйича минтақалараро катта маслаҳатчиси — Ричард Керби ва бошқалар иштирок этди.
ICTSUMMIT 2015 ахборот-коммуникация технологиялари бўйича Саммит нафақат профессионал хулосалар чиқариш, нуфузли спикерларнинг бир қатор маърузаларини тинглаш, ва балки ICTFORUM 2015 маърузачилари ва қатнашчилари томонидан киритилган Резолюцияни қабул қилиш имкониятини ҳам яратди.
Изоҳ (0)