Тожикистон Ички ишлар вазирлиги 16 сентябрь, чоршанба куни исёнчи генерал Абдуҳалим Назарзоданинг ўлдирилганлигини расман тасдиқлади. Бу ҳақда «Tengrinews.kz» вазирлик сайти маълумотига таяниб хабар беради.
«2015 йилнинг 16 сентябрь куни, 14:00 да Ҳожи Ҳалим Назарзода гуруҳини йўқ қилиш билан боғлиқ аксилтеррорчилик операцияси тўлиқ якунига етказилди. Бир ярим сутка давом этган тезкор-қидирув тадбирлари натижасида террорчилар Ромит дарасидан ўнг томонда, Ваҳдат шаҳридан 110 километр масофада қуршовга олинди. Музокаралар олиб боришга уриниш натижа бермади, террорчилар қаршилик кўрсатишда давом этди. Жавоб ҳужумлари натижасида Ҳожи Ҳалим Назарзода, Жунайдулло Умаров ва яна ўн нафар унинг тарафдорлари отиб ўлдирилди», — дейилади ИИВ хабарида.
Махсус операция иштирокчиларидан бирининг маълум қилишича, Назарзода яқин масофадан отиб ўлдирилган.
Эслатиб ўтамиз, Рамит дарасидаги ҳарбий тўқнашувларда «Альфа» махсус бўлинмаси қўмондони Рустам Амакиев ҳалок бўлди.
Изоҳ (0)