АҚШ Россиянинг Суриядаги иштироки кучайиши, хусусан, у ерда россиялик ҳарбийлар сонининг ошишини диққат билан кузатиб бормоқда. Бу ҳақда 16 сентябрь куни АҚШ Конгрессининг қуролли кучлар қўмитасида АҚШ мудофаа вазири ўринбосари Кристин Уормут айтиб ўтди, деб ёзади «ТАСС».
«Биз Россиянинг яқиндаги Сурияга қўшимча ҳарбий техника ва персонал жойлаштириш бўйича ҳаракатларини диққат билан кузатмоқдамиз», — деди Уормут.
Унинг сўзларига кўра, Россия ва Эрон Сурия президенти Башар Асадни қўллаб-қувватлашда давом этмоқда, айнан унинг ҳаракатлари, Пентагондагилар фикрича, ИШИД гуруҳи тарқалишига сабаб бўлган.
«Режимни кучайтирадиган ҳар қандай хатти-ҳаракатлар низонинг авж олишига сабаб бўлади, улар номақбулдир ҳамда беқарорлаштирувчи ва зарар келтирувчи хусусиятга эга», — деди Уормут.
Нашр эслатишича, аввалроқ Россия ташқи ишлар вазири Сергей Лавров Сурия билан ҳарбий-техник ҳамкорлик Москванинг террорчилар билан курашда Дамашққа кўмак бериш нияти билан боғлиқ эканини таъкидлаган эди.
Изоҳ (0)