Лондоннинг «Челси» жамоаси бош мураббийи Жозе Моуриньо ҳамкасби, «Эвертон» устози Роберто Мартинес билан гап талашиб қолди. Бу ҳақда «Корреспондент.net» хабар бермоқда.
Португалиялик мутахассис Англия чемпионати 5-туридан ўрин олган «Эвертон» ва «Челси» жамоалари ўртасидаги ўйиндан сўнг бўлиб ўтган Мартинеснинг матбуот анжумани тугашини узоқ кутиб қолганидан асабийлашди. Эслатиб ўтамиз, ўйинда «Эвертон» 3:1 ҳисобида ғалаба қозонди.
The Telegraph’нинг ёзишича, «Эвертон» бош мураббийи конференс-залдан чиққанида, Моуриньо унга қарата: «Роберто, уларга айтгин, келаси сафар биринчи бўлиб мен сўзга чиқаман, чунки менинг жамоам ҳали уйга етиб олиши ҳам керак», — деган. Бунга жавобан «Эвертон» устози: «Бу менинг назоратимдаги нарсалар эмас», — деб айтган.
Нашрнинг қайд этишича, шундан сўнг Моуриньо баланд овозда бақириб берган ва матбуот анжуманига кириб кетган. Қайд этиш жоиз, мавсум бошида 1986 йилдан бери энг ёмон натижани қайд этаётган «Челси» ҳисобида айни вақтда 4 очко бор. Моуриньонинг ишонч билдиришича, унинг жамоаси қуйи дивизионга тушиб кетмайди.
Изоҳ (0)