Туркиянинг жануби-шарқидаги Ширнак вилоятидаги блокпост олдида юз берган портлаш оқибатида камида икки полициячи ҳалок бўлди, беш нафари тан жароҳати олди. Бу ҳақда «ТАСС» хабар бермоқда.
Эроннинг Press TV телеканали маълумотларига кўра, блокпост яқинида портловчи қурилма ўрнатилган автомобиль портлатилган. Туркия ҳукумати мазкур теракт учун жавобгарликни Курдистон ишчи партияси (КИП)га юклаган.
Мазкур портлашдан сўнг Туркия ҳарбий-ҳаво кучлари Ширнакнинг тоғли ҳудудларидаги КИП жангарилари марраларига қарата авиазарбалар берган. Натижада икки жангари йўқ қилинган.
Туркия армияси июль ойи ўрталаридан бери КИПга қарши мамлакат ҳудудида ва Ироқ шимолида бир неча операциялар ўтказди. Бунга жавобан фаол жанговар ҳаракатларга киришган КИП, турк куч тузилмаларига қарши деярли ҳар куни ҳужумлар уюштирмоқда.
Изоҳ (0)