Император Акихитонинг укаси Хитати васийлигидаги Япония санъат ассоциацияси муҳожирларни немис тилига ўргатаётган Германиядаги Гёте институтига 100 миллион иена (800 минг доллардан зиёд) ажратди. Бу ҳақда «ТАСС» хабар бермоқда.
Маблағ ажратилиши маданият соҳасидаги Нобель мукофотига қиёсланадиган, «санъат ривожи ва оммалашуви борасидаги мислсиз ҳиссаси учун» учун тақдим этиладиган Япония императорининг «Premium imperiale» мукофоти номинантлари эълон қилиниши доирасида бўлиб ўтди. Бу йил ҳайкалтарош Вольфганг Лайб (Германия), балерина Сильви Гиллем (Франция), меъмор Доминик Перро (Франция), пианиночи Мицуко Утида (Буюк Британия) ва мусаввир Таданори Ёко (Япония) нуфузли мукофот соҳиблари бўлди.
Изоҳ (0)