Тожикистон ҳукумати вакилларининг маълум қилишича, мамлакат мудофаа вазири собиқ ўринбосари, исёнчи генерал Абдуҳалим Назарзода ҳали ҳам тирик. «Эхо Москви» хабарига кўра, унинг қаерда эканлиги аниқланган, ҳаракат йўллари ёпиб қўйилган.
Аввалроқ генерал Назарзода қуролли тўқнашувлар вақтида ҳалок бўлгани ҳақида хабарлар пайдо бўлганди. Уни камида бир ҳафтадан бери Тожикистондаги даралардан бирида излашмоқда.
Мудофаа вазирининг собиқ ўринбосари давлатга хиёнат, террорчилик ва бир қатор бошқа жиноятларда айбланмоқда. Генерелнинг тарафдорлари билан юз берган қуролли тўқнашувлар давомида 20 дан ортиқ одам ҳалок бўлди.
Изоҳ (0)