Пентагоннинг ўта махфий лабораториялари ходимлари ўлим келтириш салоҳиятига эга бактерияларни нотўғри белгилаб, сақлаш ва жўнатишда хавфсизлик қоидаларига риоя қилмаган кўринади, деб ёзади «Корреспондент.net».
Ўтган ҳафта Юта штатидаги ҳарбий базалардан бирида куйдирги бактерияси топилиши АҚШ мудофаа вазирлигининг барча тўққизта лабораторияси ёпилишига олиб келди.
Айни пайтда куйдирги, ўлат ва энцефалит бактериялари намуналаридан тегишлича фойдаланилмаганлик ҳақидаги маълумотлар, шунингдек, ушбу намуналар одамлар ҳаёти учун хавфлилиги ҳамда улар нотўғри тамғаланиб, хатолик туфайли бошқа лабораторияларга жўнатилгани юзасидан текширув олиб борилмоқда.
Эслатиб ўтамиз, май ойида америкалик ҳарбийлар адашиб, куйдиргининг тирик спораларини АҚШ лабораторияларига, шунингдек Жанубий Кореяга жўнатиб юборгани хабар берилган эди. Ушбу споралар тажрибалар ўтказиш учун зарур бўлган, бироқ улар тирик бўлмаслиги керак эди.
Изоҳ (0)