Италиялик нейрожарроҳ инсон бошини кўчириб ўтказиш бўйича дунёдаги биринчи операцияда унга ким шериклик қилишини маълум қилди, деб ёзади Хитойнинг «СинЬхуа» агентлиги.
Канаверо билан бирга операцияни хитойлик жарроҳ Рен Сяопин олиб боради. Хитойлик мутахассиснинг клиник этиология (касаллик келиб чиқиш сабабларини ўрганиш) соҳасидаги ишлари туфайли, Канаверо уни танлаган.
Сяопиннинг жамоси бугунги кунгача сичқонларда бош кўчириш билан боғлиқ мингга яқин операция ўтказган, бунда трансплантациядан сўнг сичқонлар энг узоғи билан бир кун яшаган.
Эслатиб ўтамиз, 8 апрель куни бошни кўчириб ўтказиш бўйича операция учун илк номзод Россиянинг Владимир шаҳрида яшовчи 30 ёшли дастурчи Валерий Спиридонов бўлиши маълум бўлди.
Изоҳ (0)