Чеченистон раҳбари Рамзан Қодиров Украина бош вазири Арсений Яценюк 1990 йилларда чечен жангарилари томонида туриб жанг қилганига ишонишдан бош тортди, дея хабар бермоқда Meduza.
«У ҳақиқий ботаник. Агар у жангчи бўлса ва қаердадир жанг қилган бўлса, демак менинг ҳеч нарсага ақлим етмайди», — деди Қодиров.
«У уруш чоғида Чеченистонда бўлгани ҳақида менда ҳеч қандай маълумот йўқ. У ҳақиқий қўрқоқ ва сотқин, у ҳеч ким билан жанг қилишга қодир эмас», — деди республика раҳбари.
Нашр эслатишича, 8 сентябрь куни Россия Тергов қўмитаси раиси Александр Бастрикин Яценюк 1994—1995 йилларда Грознийдаги жангларда жангарилар томонида туриб курашганини маълум қилган, бироқ бу борада ҳеч қандай далил тақдим этмаган эди.
Рамзан Қодиров биринчи Чеченистон урушида Россия қўшинларига қарши айирмачилар томонида жанг қилган эди.
Изоҳ (0)