Польша ҳукумати Украинага 100 миллион евро миқдорида кредит ажратиш ҳақидаги қарорни маъқуллади. «Eurointegration.com.ua» хабарига кўра, мазкур маблағ Польшадан Украинага маҳсулотлар ва хизматларни экспортини молиялаштиришга, шунингдек, чегара инфратузилмаларини модернизация қилишга йўналтирилади.
Бундан ташқари, мазкур маблағ ҳисобидан Украина-Польша чегарасида назорат-ўтказиш пунктлари қурилиши кўзда тутилган. «Мазкур ташаббус Польшанинг бошқа мамлакатларга ёрдам беришга тайёрлигини тасдиқлайди ва мамлакатимизнинг донор сифатидаги ўрнини мустаҳкамлайди», — дейилади Польша ҳукумати баёнотида.
Изоҳ (0)