Республикачи сайловчиларнинг учдан бир қисми Дональд Трампни қўллаб-қувватлашга тайёр

Дональд Трамп Республикачилар партиясидан президентлик лавозимига даъвогарлар орасида етакчиликни сақлаб қолмоқда: уни потенциал сайловчиларнинг 30 фоизи қўллаб-қувватлашга тайёр. Бу ҳақда Монмут университети томонидан ўтказилган сўров натижаларига таяниб, «ТАСС» хабар берди.

Сўров натижаларига кўра, Трампнинг машҳурлиги бир ойда 4 фоизга ўсган.

Унинг рақобатчилари — истеъфодаги нейрожарроҳ ва педиатр Бен Карсонни сўров иштирокчиларининг 18 фоизи, Флорида собиқ губернатори Жеб Бушни  — 8 фоизи, Техасдан сенатор Тед Крузни — 8 фоизи, Флоридадан сенатор Марко Рубиони — 5 фоизи, HP корпорацияси собиқ раҳбари Карли Фиоринани — 4 фоизи ва Арканзас собиқ губернатори Майкл Хикабини ҳам 4 фоизи қўллаб-қувватлашга тайёр.