UCG FIFA15 киберфутболи бўйича Ўзбекистон Кубоги минтақавий саралаш турнири Фарғонадаги Мундиал клубида бўлиб ўтди, унда Фарғона, Андижон ва Қўқондан 24 нафар геймер иштирок этди, деб хабар беради «Infocom.uz».
Биринчи ўринни – Азизбек Эргашев, иккинчи ўринни – Алишер Хашимов ҳамда учинчи ўринни – Жамшид Жўраев эгаллади.
Мусобақа натижалари бўйича Азизбек Эргашев ва Алишер Хашимовлар Тошкент шаҳрида, 15—17 сентябрь кунлари ICT EXPO2015 кўргазмаси доирасида ўтказиладиган миллий финалда иштирок этиш учун йўлланма олди.
Бундан ташқари, кубок ташкилотчилари Ўзбекистон эспорти бўйича Фарғона минтақавий саралаш турнири ФИФА ўйинида қаторасига бир неча йиллар мобайнида иштирок этиб, ғолиб бўлган фарғоналик таниқли эфутболчи Аброр Рустамовга миллий финалда иштирок этиши учун махсус квота ажратди.
Эслатиб ўтамиз, ICTWEEK 2015 Ахборот-коммуникация технологиялари ҳафталиги доирасида «Uzbekistan Cyber Games FIFA15 кибер футболи бўйича Ўзбекистон Кубоги» эспорт мусобақалари ўтказилмоқда.
Ташкилотчи: InfoCOM.UZ журналиҲамкор: «Альянс Арена» компьютер клубиҚўллаб-қувватланиши: Ўзбекистон Республикаси Ахборот технологиялари ва коммуникацияларини ривожлантириш вазирлиги.UCG FIFA15 турнири FIFA 15 ўйини бўйича Sony Play Статион 4 ўйин консолида ўтказилади.
Мусобақаларда иштирок этиш учун 6 ёшдан бошлаб барча хоҳловчилар (Ўзбекистон фуқаролари)га рухсат этилади.
Турнир икки босқичда ўтказилади:
1 сентябрдан 12 сентябргача – «Альянс Арена» клубида (Тошкент), Гамезоне клубида (Самарқанд), Мундиал клубида (Фарғона) ва Playstation Game клубида (Олмалиқ) саралаш мусобақалари ўтказилади.
Урганч шаҳрида ҳам 6 сентябрь куни минтақавий саралаш турнири ICE CREAM клубида ўтказилади.
15—17 сентябрь кунлари ICT EXPO2015 кўргазмасида UCG FIFA15 Миллий финали ўтказилади.
Турнирда 8 та ўрин ғолибларига совринлар (планшет, смартфон ва мобил телефонлари тақдим этилади) ва диплом билан тақдирланади.
Тақдирлаш маросими АКТ Ҳафталиги натижалари бўйича тақдирлаш маросимида ўтказилади.
Изоҳ (0)