Ўзбекистон ва Яман терма жамоалари ўртасида кечадиган учрашув олдидан ташкил этилган матбуот анжуманида Ўзбекистон миллий терма жамоаси бош мураббийи Самвел Бабаян ташкилотчилик ишлари билан шуғулланмаслигини айтиб ўтди, деб хабар беради «Uff.uz».
- Журналистлар билан учрашув ўтказганингизда футбол атрофидаги муаммоларни ҳам бартараф этиш ҳақида гапирган эдингиз. Аммо мухлислар учун қандай қулайликлар жорий этилди? Масалан, чипталар масаласи қандай ҳал қилинди, олиб сотарлар қўлига ўтиб кетмаяптими?- Мен терма жамоада фақат мураббийлик иши билан бандман. Ташкилотчилик масаласида эса бизнинг Терма жамоалар марказида ажойиб ходимлар ишламоқда. Мен эса уларга баъзан ёрдам беришим мумкин. Чипталар ва бошқа масалалар билан Терма жамоалар маркази шуғулланади. Шу сабабли бу борада ҳеч нарса дея олмайман.
Эслатиб ўтамиз, Ўзбекистон — Яман учрашуви эртага, 3 сентябрь куни Тошкент вақти билан 19:00 да бошланади.
Изоҳ (0)