Ўзбекистон олимпия терма жамоаси Словакиядаги халқаро турнир доирасидаги иккинчи учрашувни ўтказди, деб хабар беради Ўзбекистон футбол федерацияси матбуот хизмати.
Дастлабки учрашувда Бирлашган Араб Амирликларини 1:0 ҳисобида мағлуб этган Ўзбекистон олимпия терма жамоаси иккинчи ўйинда Саудия Арабистонига қарши майдонга тушиб, 1:3 ҳисобида мағлубиятга учради.
Ўзбекистоннинг ягона голини захирадан майдонга тушган Забиҳулло Ўринбоев киритди.
Ушбу халқаро ўртоқлик турнири доирасида Ўзбекистон олимпия терма жамоаси Словакия ҳамда Иордания олимпия терма жамоалари билан ҳам ўйин ўтказади.
Изоҳ (0)